“Düzü, mövsümün birinci yarısında qeydə alınan nəticələrlə bağlı danışmaq çətindi. Ona görə ki, planlarımızı reallaşdıra bilmədik. Xal fərqinin bu qədər çox olacağını düşünmürdük. Ötən mövsüm bu ərəfədə “Şamaxı”dan 4-5 xal geridəydik. İndi vəziyyət fərqlidi. “Qəbələ” nə uduzur, nə də qol buraxır. Bəli, belə məqamlar işimizi xeyli çətinləşdirib. Lakin məqsədimizdən vaz keçməmişik. Hədəfimiz ən qısa vaxtda premyer-liqaya yüksəlməkdi. Uzun fasilədən sonra böyük futbolu baş sponsorumuzun da sayəsində İmişliyə qaytardıq. “Qəbələ”dən sonra ən yaxşı stadion bizimdi. Həm “Qəbələ”, həm də “Karvan” ilə ev oyunlarımız olacaq. Əslində “Karvan”a çatmaq olar. Amma “Qəbələ”ylə bağlı məsələ çətindi. Yenə də çəkinmir. Premyer-liqada komanda sayı artırılsa, istər birbaşa, istərsə də pley-off oyunları vasitəsilə elita klublarının sırasına yüksəlmək mümkün ola bilər. Belə vəziyyətə tam hazırıq. Planımız əvvəldən buna uyğun qurulub. Çəkinmirik. Baş sponsorumuz uşaq futboluna da xüsusi diqqət ayırır. Bu gün çempionatlarda 5 komandamız çıxış edir. Növbəti mövsüm onların sayını 6-ya çatdırmaq istəyirik. Ruhid Usubov bu məsələylə bağlı əlaqələndirici təyin edilib”.

“Heç kimə sirr deyil ki, “Qəbələ” çox yaxşı komplektləşmiş komandadı. Heyətində premyer-liqa təcrübəsi olan futbolçular var. Düzdü, bizdə də belə oyunçular mövcuddu. Lakin onlar zədələrdən əziyyət çəkdikləri üçün komandaya tam gücüylə kömək edə bilmirlər. Bu üzdən indiyə qədər xeyli xal itirmişik. Klub rəhbərliyinin ümumi vəziyyətdən xəbəri var. Düzü, indi Fərid bəylə bağlı iddiaları nə təsdiq, nə də inkar edə bilərəm. Şəxsi fikrim ona daha çox zaman verilməsidi”.