“Belə söhbətlər gedir. Nə dərəcədə doğru olduğunu bilmirəm. Əvvəllər mən bunun tərəfdarıydım ki, yerli oyunçular rəqabətədavamlı olmalıdı. Digər tərəfdən, 10 komandalı çempionat üçün legioner limitinin ləğvi effektli olmaya bilər. Çünki istənilən halda oyunçular “artırmaq” üçün oynamaq məcburiyyətindədilər. Məşq edə-edə “artıra” bilmirsən. Gərək oyun stressi də yaşayasan. Oyun stressi olmadan inkşaf etmək çətindi. 18 komanda olsaydı, legioner limitinin götürülməsini də problem etməzdim. Limitin götürülməsi 10 komandalı çempionatda yerli futbolçuların inkişafına maneə yaradacaq. Düşünmürəm ki, kimsə 1-ci liqada gedib futbol oynasın. 1-ci liqa maliyyə cəhətdən dayanıqlı olsa, düşünmək olar. Çünki 3 milyonla 300 min çox fərqli qiymətlərdi. Arada böyük bir fərq var. Məcburiyyətdən bəlkə kimsə aşağı dəstələrdə oynaya. Amma bu da effekt verəsi deyil. Komandaların sayı artırılacağı halda, limitin pozulması effekt verə bilər. İndi bizi çətinə salacaq”.