“Futbol+”in ənənəvi sorğusu davam edir.

Daha əvvəl ilin ən yaxşı futbolçusu nominasiyası üzrə yarışan 10 futbolçunun adını təqdim etmişik. Əvvəlcə onların kim olduğunu xatırladaq:

1. Bədavi Hüseynov

2. Coşqun Diniyev

3. Elvin Cəfərquliyev

4. Mahir Əmrəli

5. Nəriman Axundzadə

6. Qismət Alıyev

7. Rahil Məmmədov

8. Rza Cəfərov

9. Səbuhi Abdullazadə

10. Toral Bayramov

Nəzərinizə çatdıraq ki, hələ respondentlərin hamısı səs verməyib, həmçinin hesablanmayan səslər var. Lakin mövzunun aktuallığını və oxucularımızın marağını nəzərə aldığımızdan sizi hadisələrin axarıyla tanış etməyi lazım bildik.

Belə ki, indiyə qədər hesablanan səslərə əsasən ilk “üçlük “ formalaşıb. Əlbəttə, dəqiq sıralamanı açıqlamaq məqsədəuyğun deyil. Bu üzdən həmin futbolçuların adlarını əlifba sırasına uyğun olaraq diqqətinizə çatdırırıq: Elvin Cəfərquliyev, Mahir Emreli, Toral Bayramov.

Oxucularımızın marağını anlayışla qarşılamaqla bərabər deyə bilərik ki, “üçlük”də konkret favorit yoxdu! Futbolçular bir-birini çox yaxından izləyir və hər xal yekunda qalibin bəlli olmasında həlledici rol oynayacaq.

Sonda oxucularımızı da “Futbol+”in rəsmi “feysbuk” səhifəsinə daxil olaraq müvafiq paylaşımın rəy bölməsinə seçimini yazmasını xahiş edirik. Gəlin, ilin ən yaxşı futbolçusunu birlikdə seçək!

KƏNAN BAHADIR