Türkiyə futbolunun əfsanəsi Fatih Terimlə bağlı yeni maraqlı iddia var.

Son olaraq ötən mövsüm ''Panatinaikos''u çalışdıran və maydan bu yana işsiz olan ''İmperator'' yeni klubuna qovuşmaq üzrədi. Türkiyə mətbuatında dünən Səudiyyə Ərəbistanı təmsilçisi ''Əl-Şabab''ın Terimə rəsmi təklif irəli sürdüyünü vurğuladı. Daha sonra isə Səudiyyə Ərəbistanı mətbuatı artıq tərəflər arasında anlaşmanın əldə olunduğunu iddia etdi.

''TRT Spor'' kanalının son məlumatına görə isə 71 yaşlı mütəxəssis bu gün son detalları müzakirə etmək üçün Səudiyyə Ərəbistanına yollanacaq.

Qeyd edək ki, ''Əl-Şabab''ı yaxın müddətə qədər Vitor Pereyra çalışdırırdı. Amma portuqaliyalı mütəxəssis premyer-liqa təmsilçisi ''Vulverhempton''un təklifini qəbul edərək Səudiyyə Ərəbistanından ayrıldı. Komandanı hazırda Luis Migel çalışdırır. ''Əl-Şabab'' 13 oyuna topladığı 23 xalla 6-cı pillədə qərarlaşıb. Komanda yeni ildə ilk oyununu yanvarın 5-də ölkə kuboku çərçivəsində ''Əl-Fayha''ya qarşı keçirəcək.

ƏLİ