“İş orasındadı ki, 2-ci liqa tam peşəkar deyil. “Birbaşa Bakı” isə peşəkar minifutbol çempionatında çıxış edir. Bu baxımdan “Qusar”ın da formasını geyən futbolçuların həmin komandaya üstünlük verməsi anlaşılandı. Sirr deyil ki, minifutbol istər şərait, istər maliyyə, perspektiv baxımından 2-ci liqanı üstələyir. İndi biz texniki məğlubiyyət alacağıq. Amma matçdan bir neçə gün əvvəl ardıcıl iki dəfə tarixin dəyişdirilməsiylə bağlı müraciətimiz oldu. Heç birini qəbul etmədilər. Niyə? Çünki “Qusar”a qarşı qərəz var. “Şahdağ Qusar” da bizimdi. Amma heç kimin haqqı tapdalanmamalıdı. Onu da bilirəm ki, matçın məhz dekabrın 18-nə təyin edilməsində xüsusi maraq var idi. İstəyirdilər ki, meydana çıxaq, “Şahdağ Qusar” bizə 5-6 qol vursun, derbidə biabır olaq... Hamı yaxşı bilir ki, 2-ci liqada çıxış edən futbolçular başqa yerlərdə çalışır. Həftədə bir-iki dəfə işdən icazə alıb oyuna, məşqə çıxırlar. Futbolçu qıtlığı var”.

“Oyuna həmişəki qaydada hazırlaşmışdıq. Şimal derbisi olduğuna görə də çox ciddi hazırlıq görmüşdük. Oyundan iki saat əvvəl Sumqayıtdaydıq. Formamızı geyib isinməyə çıxdıq. Hakimlər də meydanda idi. Amma rəqib gəlmədi. Hardasa 15.30-a qədər gözlədik. Yarım saat ərzində də gəlmədiklərindən hakimlər dedi ki, gedə bilərsiz. Biz klub olaraq, öz işimizi gördük. Vacib olan 3 xal idi. Oyun olsaydı, daha yaxşı olardı, amma belə də xalımızı alacağıq. Digər məsələlər artıq rəqibin problemidi. “İstəyirdilər ki, meydana çıxaq, “Şahdağ Qusar” bizə 5-6 qol vursun” sözlərinə qalanda, bu futboldu. Futbolda 2:0, 3:0, 10:0 məğlubiyyət ola bilir. Biz adamyeyən deyilik, çıxıb oyunumuzu oynayırıq. O fikrə görə gəlmədilərsə, o da öz problemləridi. Amma istəməzdim belə hallar olsun. Gəlsəydilər, mübarizə aparardıq, çempionat da maraqlı keçərdi. 3-4 komanda çempionluğa oynayır. Hər şey maddi problemlərdən qaynaqlanır. Heyətin kasad olmasının kökü büdcə məsələsinə gedib çıxır. Yəqin ki, “Qusar”ın heyətində futbolçu azdı, olanlar da minifutbola gedir. Minifutbola gedənləri çıxanda  9 oyunçu qalır. Ümumilikdə 12 oyunçu bir komanda üçün çox azdı. Ən azı 20 futbolçu və 2 qapıçı olmalıdı. Ona görə də oyunçular cəlb eləmək üçün maddi vəziyyətin yaxşı olmalıdı. Yaxşı komandam var. Biz həm də ailəyik və önəmli olan bu mühiti qorumaqdı. Bir məşqçi kimi bu ailəni qurdum, futbolçulara komandada o münasibətləri yaratmışıq. Belə olanda da iş prosesində heç bir problem yaranmır. Bu ailə qurulub, belə davam edərək Allahın izni ilə çempion olacağıq. Hədəfimiz növbəti mövsüm birinci liqada mübarizə aparmaqdı”.