“Tam sağalsaydılar, bəlkə də qələbə qazana bilərdik” – Tovuzdan zirvə döyüşünə reaksiya
Futbol üzrə ölkə çempionatının əvəzedicilər liqasının 18-ci turunda lider “Neftçi” ilə zirvəyə iddialı “Turan Tovuz”un Tovuzda keçirilən dueli heç heçə bitdi (1:1). Halbuki meydan sahibləri qələbə qazansaydılar, zirvəyə yüksələcəkdilər.
“Turan Tovuz-2”nin baş məşqçisi Nizami Ocaqverdiyev oyunla bağlı “Football-plus.az”a bunları dedi:
“Çətin oyun oldu. İki lider qarşı-qarşıya gəldi. Oyun maraqlı və ağır keçdi. Qələbə də qazana bilərdik. Rəqibin qapısı önündə təhlükələli vəziyyətlər yaratdıq. Oyunda qalib müəyyənləşmədi. Matçdan öncə bir qədər sıxıntılarımız var idi, bəzi futbolçularımız xəstələnmişdi. Oyuna qədər tam sağalmamışdılar. Tam sağalsaydılar, bəlkə də qələbə qazana bilərdik”.
ƏSƏD SEYİDOV
Digər xəbərlər
