"Öncəliklə onu vurğulayım ki, "Şamaxı"ya qarşı xüsusi motivasiya ilə oynayırıq. İlk dövrədə də onlara qarşı yaxşı oyun sərgiləsək də, məğlub olmuşduq. Şamaxıya qələbə üçün getmişdik. Amma 18-ci dəqiqədə futbolçumuz Tonia Tisdel təcavüzkar davranışa görə meydandan qovulandan sonra planlarımız və oyun üslubumuz dəyişdi. Məcburiyyətdən komanda şəklində müdafiə olunduq. Unutmayaq ki, "Şamaxı" ötən mövsümü güclülər dəstəsində keçirib, heyətində də elita təcrübəsi olan oyunçular yetərincədi. Həm rəqibin gücünü, həm səfərdə oynadığımızı, həm də azlıqda qaldığımızı nəzərə alsaq, düşünürəm ki, 1 xal bizim üçün yaxşı nəticədi. Azlıqda qalıb güclü komandaya uduzmamaq asan deyil. Təbii ki, futbolçumuz qırmızı vərəqə almasaydı, qələbə qazana bilərdik. Amma qolsuz bərabərilik də pis olmadı".