“Turan Tovuz”un kapitanı Şəhriyar Əliyev dünən “Qarabağ”a 3:4 uduzduqları oyundan sonra “Football-plus.az”ın suallarını cavabladı.

- Oyunun qırılma nöqtəsi harda oldu?
- Düşünürəm ki, heç bir qırılma nöqtəsi olmadı. Hesabda geri düşsək də, bərabərləşdirməyə çalışırdıq. Rəqib də öz oyununu ortaya qoydu. Xal qazanmaq istəyirdik. Bir qədər də diqqətli olsaydıq, qələbə qazana bilərdik.

- Bəs qələbə üçün nə çatmadı?
- Bəlkə də təcrübəsizlik üzündən uduzduq, çox rahat qollar buraxdıq.

- Avrokuboklara vəsiqə şansınızı üzməyiniz sizə psixoloji təsir göstərirmi?
- Avrokuboklara vəsiqə şansımız var idi. Amma mövsümdən əvvəl komandanın qarşısına avrokuboklara vəsiqə qazanmaq tələbi qoyulmayıb.

- Neçə müddətdi “Turan Tovuz” azarkeşləri tərəfindən təndiq olunursuz. Əsasən də avrokuboklara vəsiqə şansını itirdikdən sonra.
- Artıq iki mövsümdü premyer-liqada çıxış edirik. Biz futbolçular əlimzdən gələnin ən yaxşısını etməyə çalışırıq. Qarşımıza avrokuboklara getmək məqsədi qoyulmayıb. Elə bil şərait yaratmışdıq ki, avrokuboklara vəsiqə qazana bilərdik.

ƏSƏD SEYİDOV