Misli premyer-liqasının 7-ci turunda "Turan Tovuz" səfərdə "Sumqayıt"la qolsuz bərabərliyə razılaşdı - 0:0.

Matçdan sonra tovuzluların kapitanı Şəhriyar Əliyev "Football-plus.az"ın bəzi suallarını cavabladı.

- Bu gün əlinizə düşən fürsətlərdən yararlana bilmədiz. Bunun səbəbi nə idi?
- Həqiqətən də 3 xal qazana bilərdik. Lakin meydanı 1 xalla meydanı tərk elədik. Bu da pis nəticə deyil. Daha da çalışmalıyıq ki, əlimizə düşən imkanlardan yararlanaq.

- "Turan Tovuz"un evdə uğurlu çıxış etmədiyini görürük. Bu nə ilə bağlıdı?
- Necə biz səfərdə xal qazanmaq istəyiriksə, rəqiblər də Tovuzdakı oyunda meydanı 3 xalla tərk etmək niyyətindədi. Doğma meydanda keçirdiyimiz ilk oyunda qalib gəlmək şansımız var idi, bəlkə də konsentransyamız çatmadı. Növbəti ev matçında da ələ düşən fürsətlərdən yararlana bilmədik. Ancaq deməzdim ki, komandada hansısa problem var.

- Növbəti turda sizi "Neftçi" ilə çətin oyun gözləyir. Bu oyun haqda nə deyə bilərsən?
- Əlbəttə, çətin oyun olacaq. "Neftçi" ölkənin flaqmanı və çempionluğa oynayan komandadı. Bakılılar da xal qazanmaq istəyirlər. Doğma azarkeşlər önündə oynayacağıq, çalışacağıq ki, xal və ya xallar qazanaq.

CAVİD ƏLİYEV