"Səbail" Misli premyer-liqasının evdə keçirilən 18-ci tur matçında "Zirə"yə uduzdu - 0:1.

"Football-plus.az" xəbər verir ki, "dənizçilər"in baş məşqçisi Cavid Hüseynov oyunsonrası mətbuat konfransında jurnalistlərin suallarını cavabladı.

- Bizi gərgin oyunuun gzlədiyini bilirdik. Sonuncu pillədə olduğumuza görə üzərimizdə təzyiq var. Buna rəğmən, həftə ərzində yaxşı hazırlaşmışdıq. Rəqibi ciddi analiz etmişdik. Uduzandan sonra danışmaq çətindi. "Zirə" ani diqqətsizlik üzündən verdiyimiz şansdan maksimum istifafə etdi.

- Təyinatınızdan sonra ümidli sözlər demişdiz. Görünür, məqsədə çatmaqda çətinlik çəkirsiz. Buna səbəb nədi?
- Səbəblər haqda çox danışmışıq. Məncə, bundan sonra nəsə demək yersiz olar. Qış fasiləsində çatışmayan cəhətləri aradan qaldırmağa çalışacağıq ki, sonuncu pillədən xilas olaq.

- Nəticələr klub rəhbərliyiylə müzakirə edilir? Durumu onlar necə qarşılayır?
- Hər şey ortadadı. Heyət kasaddı. Bu haqda dəfələrlə danışmışıq. Rəhbərlik durumdan xəbərdardı. Ümid edirik ki, mövsümün ikinci yarısında fərqli komanda görəcəyik.

- "Səbail"ə gəldiyinizə görə peşmansız?
- Xeyr.

KƏNAN BAHADIR