“Qarabağ”ın daha bir futbolçusu sıradan çıxıb. Söhbət Bədavi Hüseynovdan gedir.

Misli premyer-liqasının 17-ci turunda “Sumqayıt”a qarşı keçirilən matçın birinci hissəsində zədələnən futbolçu 4 həftə yaşıl meydanlardan uzaq qalacaq. Bu barədə “Football-plus.az”a “köhlən atlar”ın mətbuat xidmətinin rəhbəri Anar Hacıyev məlumat verib.

Klub rəsmisinin sözlərinə görə, təcrübəli oyunçunun arxa bud əzələsində problem aşkarlanıb.

Xatırladaq ki, ağdamlıların heyətində Kevin Medina, Aleksey İsayev və Bəhlul Mustafazadə də zədəlidi.

KƏNAN BAHADIR