O, komandanın aparıcı futbolçularından Marko Yankoviçin Monteneqro millisinin heyətində zədələndiyini dedi. İnternetə nəzər salarkən aydın oldu ki, söhbət AÇ-2024-ün seçmə mərhələsinin oktyabrın 17-də keçirilən Serbiya – Monteneqro oyunundan gedir. Yankoviç komandasının 1:3 uduzduğu həmin oyunun 85-ci dəqiqəsində əvəzlənib.
"Köhlən atlar"ın mətbuat xidmətinin rəhbəri Anar Hacıyev Markonun durumu haqda "Football-plus.az”ın sualını cavabladı:
"Oyunçunun müalicəsi davam edir. Təəssüf ki, qarşıdakı iki həftə ərzində yaşıl meydanlardan uzaq qalacaq".
Klub rəsmisinin dediklərindən anlaşılır ki, Yankoviçin nəinki oktyabrın 26-da “Bayer-04” ilə Avroliqa, həm də Misli premyer-liqasının 11-ci turunda "Araz-Naxçıvan"la matçda iştirakı sual altındadı. Xatırladaq ki, Yankoviçin həmvətəni Marko Veşoviç də zədəlidi.
KƏNAN BAHADIR
