“Qarabağ” Kevin Medina ilə bağlı qərar verdi – açıqlama

“Qarabağ” sabah Avropa Liqasının əsas mərhələsində “Elfsborq”un qonağı olacaq. Ağdamlılar artıq İsveçdədi.

Məlum olduğu kimi, “köhlən atlar” rəqibinin önünə itkilərlə çıxacaq. Kevin Medina, Bəhlul Mustafazadə və Aleksey İsayev zədəlidi. Buna baxmayaraq, komandayla birgə İsveçə yollananlar sırasında Medina da var.

Əslində baldır əzələsinin gərilməsi ucbatından 4-6 həftə müalicə dövrü keçməli olan futbolçu vətənində - Kolumbiyada da müalicə oluna bilərdi. Lakin klub məsələylə bağlı fərqli qərar verib. “Qarabağ”ın mətbuat xidmətinin rəhbəri Anar Hacıyevin “Football-plus.az”a verdiyi məlumata görə, Medinanın “köhlən atlar”ın həkimlərinin nəzarətində qalması məqsədəuyğun sayılıb.

Xatırladaq ki, Medina Misli premyer-liqasının 15-ci turunda keçirilən “Neftçi” – “Qarabağ” matçında (0:3) sıradan çıxıb.

KƏNAN BAHADIR