Osimhenin məsələsi qaranlıq qalır
Viktor Osimhenin növbəti mövsümə harda başlayacağı hələlik məlum deyil. “Napoli” icarə əsasında “Qalatasaray”da çıxış edən futbolçusu ilə bağlı qısa məlumat yayıb.
Türkiyə klubunun 26 yaşlı hücumçunu birdəfəlik transfer etmək istədiyi məlumdu. Bir müddət əvvəl müxtəlif mənbələr Osimhenlə bir neçə nəhəng klubun maraqlandığını da xəbər vermişdi. Nigeriyalı futbolçunun qarşıdakı qış “transfer pəncərəsi” dövründə “Mançester Yunayted”, PSJ və ya “Yuventus”a yollana biləcəyi iddia edilmişdi. Lakin “Napoli”nin idman direktoru Covanni Manna DAZN-a açıqlamasında bu xəbərlərə mənfi reaksiya verib:
“Bizə heç kim zəng vurmayıb. Hazırda bu məsələdə dəqiq heç nə yoxdu”.
Qeyd edək ki, bəzi mənbələr “Napoli”nin transfer üçün “Qalatasaray”dan 75 milyon avro tələb etdiyini bildirmişdi.
Digər xəbərlər
