İcarə əsasında ''Qalatasaray''a gəldiyi gündən həm Türkiyə futbolunun nüfuzunu artıran, həm də komandaya böyük fayda verən Viktor Osimhen ilə bağlı çoxsaylı şayiələrə daha biri əlavə olunub.

Deyilənə görə ''Qalatasaray'' rəhbərliyi Osimheni daimi əsasda transfer etmək istəyir və bunun üçün sponsorların da dəstəyi ilə ''Napoli''yə 50 milyon avroluq təklif irəli sürməyə hazırlaşır. Bu, Türkiyə futbolu üçün astronomik məbləğ olsa da, ''Napoli''nin bu təklifə razılıq verəcəyi inandırıcı görsənmir. Yayda Neapol klubu nigeriyalı forvard üçün 130 milyon avro tələb edirdi. Qış transfer dönəmi üçün Osimhenin təzminatı 90 milyon avroya endirilib. Gələn yay üçün isə bu məbləğ 75 milyon avroya bərabər olacaq.

''Napoli'' əsasən ''Çelsi'' başda olmaqla İngiltərə klublarından təklif gözləyir. İngilislər Osimhenə maraq göstərməsə, o zaman ''Qalatasaray''ın şansı yarana bilər. Bu arada ''Cim-Bom''un prezidenti Dursun Özbək yayılan şaiyələrə münasibət bildirərək bunları deyib: