Son günlər Türkiyə mətbuatında ''Qalatasaray''ın nigeriyalı forvardı daimi əsasda transfer edə bilmək üçün ''Napoli'' ilə danışıqlar aparması barədə xəbərlər var idi. Bəzi mənbələr ''Cim-Bom''un hətta sponsorların dəstəyi ilə 60-65 milyon avro təklif irəli sürdüyünü yazmışdı. Amma ''Napoli''nin idman direktoru Covanni Manna Türkiyənin ''Sabah'' nəşrinə açıqlamasında bu transferin mümkün olmadığını bildirib. Hətta onun sözlərindən belə qənaətə gəlmək olar ki, ''Qalatasaray'' qışda Osimhenlə məcburi vidalaşa bilər:
''Biz heç kimlə danışıqlar aparmırıq. ''Qalatasaray''ın hazırda tələb olunan məbləği ödəmək üçün büdcəsi yoxdu. Osimhenin təzminatı 75 milyon avrodu. Onu istəyən çox komanda var. Hamısı da bu məbləği ödəməyə hazırdı. Kimsə, qışda bu pulu ödəyib Osimheni transfer etsə, biz bu vəziyyətdə sadəcə ''Qalatasaray''a icarənin ləğv edilməsi üçün kiçik bir məbləğ ödəmək məcburiyyətində qalacağıq''. Bu arada şayiələrə inansaq, Osimhenə maraq göstərən klublardan biri də ''Fənərbaxça''dı.
ƏLİ
