“Qarabağ” Avropa macərasının uğursuz başlayıb. Lakin bu hər şeyin sonu deyil. Azərbaycanı təmsil edən komanda toparlanmaqda israrlıdı. Düzdü, “Elfsborq” turnir cədvəlində daha əlverişli mövqedədi, lakin bu, isveçliləri arxayınlaşdıra bilməz. Komandaların topladığı xallar arasındakı fərq birə bərabərdi. Düzdü, kollektivin baş məşqçisi Oskar Hilyemark “Qarabağ”ın müdafiə xəttində problemlərin olduğunu deyir. Amma “Elfsborq”un həmin mövqeyində daha ciddi çatışmazlıqlar var. Maraqlıdı ki, bu zəif nöqtə komandanın ev oyunlarında daha bariz görünür. Üstəlik “Qarabağ” rəqibdən daha təcrübəlidi. Sadəcə, azərbaycanlıların son oyunlarda üzləşdiyi məğlubiyyətlər meydan sahiblərini ümidləndirir. Biz isə “Elfsborq” üçün müsbət düşüncədə deyilik. Matç “Qarabağ”ın 1:0 hesablı qələbəsiylə başa çatacaq. Hətta rəqibin müdafiə xəttindəki futbolçuların zədəli olması belə (Bəhlul və Medina nəzərdə tutulur – red.) isveçlilərin qol vurmasına şərait yaratmayacaq”.