“Qarabağ”ın müdafiəçisi Kevin Medinanın zədəsi sağalıb.

Xatırladaq ki, Avropa Liqasının qrup mərhələsinin "Molde" ilə səfər matçında (2:2) zədələnən kolumbiyalı müdafiəçiyə sağ bud tendom vətərinin qopması diaqnozu qoyulmuşdu. O, ötən ay Finlandiyada əməliyyat olunub. Klubun mətbuat katibi Anar Hacının “Football-plus.az”a dedikləri: “Kevin Medina yanvarın 15-də Bakıya gəlib. Hazırda fərdi şəkildə fitnes-bərpa məşqləri keçir. Hələ ki meydana çıxmır. Meydanda məşqlərə başlaması ən azı bir ay çəkəcək”.

Belə görünür ki, “Qarabağ” “Braqa” ilə oyunların heç birində Medinanın xidmətindən yararlana bilməyəcək.

ƏSƏD SEYİDOV