Ölkə futbolunun gündəmini Kevin Medinanın transferi zəbt edib.

"Football-plus.az" xəbər verir ki, kolumbiyalı müdafiəçi karyerasını "Rizəspor"da davam etdirə bilər. Lakin onunla bağlı redaksiyamıza xoş olmayan məlumat daxil olub.

Sən demə, Medina Ağdam təmsilçisini tərk etsə, "Rizəspor" "Qarabağ"a ödəniş etməyəcək. Yəni kolumbiyalı yeni komandasına azad agent kimi keçəcək. Bunun niyə belə olduğu bəlli deyil. Ya müqaviləyə bununla bağlı hansısa bənd əlavə olunub, ya da klub sözləşmədə boşluğa yol verib.

Bir sözlə, Medina "Rizəspor"la anlaşsa, "köhlən atlar"a xeyir vermədən düşərgəni tərk edəcək.

İLKİN SULTANLI