“Doğrudan da, oyun cəlbedici oldu. Xüsusən də son 30 dəqiqə dinamik və sürətli keçdi. Qarşılaşmada iki fərqli hissə oldu. İlk yarıda “Sabah” daha yaxşı görünürdü. İkinci hissədə isə “Qarabağ” dəyişikliklər edəndən sonra daha yaxşı oyun qurdu. Oyunun ədalətli hesabı heç-heçə idi. Hər iki komandanın qol imkanları oldu. Məşqçilərin atdıqları rotasiyadan göründü ki, hər iki komandada liderlər sonradan meydana çıxdı. “Qarabağ” Avropa Liqasının oyununa hazırlaşır. “Köhlən atlar” “Qəbələ” ilə oyunda sanki Avropa Liqasının oyununa hazırlaşırdı. Burda isə futbolçulara istirahət verdilər. “Sabah” da kubokda ağır səfər oyunu keçirmişdi. Son oyunlarda “bayquşlar”ın heyətində Ayaz Quliyev xoş təsir bağışlayır. Baş məşqçi təzə gəlib və bütün oyunçulara şans verməlidi ki, onları yaxından tanısın. Bu tipli oyunlar nə qədər çox olarsa, çempionatın səviyyəsi də qalxar. Vasili Berezutskinin gəlişi ilə “Sabah”da yaxşıya doğru dəyişiklik hiss olunur”.