“İki fərqli hissə izlədiyimi deyə bilərəm. Məncə, ilk yarı daha maraqlı idi. Çünki hər iki tərəf, demək olar ki, eyni səviyyədə çıxış etdi. Murad Musayevin komandasının ilk qolu baxımlı və kombinasiyalı alındı. İkinci hissədə tərəflər heyətdə çoxsaylı dəyişiklik etdi. “Sabah” daha istəkli görünürdü. Əsasən yerli futbolçuların oyun tərzinə fikir verdim. İlk hissədə 5, ikincidə 7 oyunçu gördüm. Ümumiyyətlə, kollektiv yaxşı oyun sərgilədi. Elvin Camalov, Ayaz Quliyev və Anatoli Nuriyev orta xətdə matçı idarə etməyi bacardı. Həm hücum cəhdlərində, həm də müdafiədə boşluqlar nəzərə çarpırdı. Yəqin ki, məşqçilər korpusu qarşıdakı günlərdə bu problemləri aradan qaldıracaq”.