Çempionlar Liqasının 2-ci təsnifat mərhələsinin ilk oyununda "Qarabağ" "Sürix"ə 3:2 hesabı ilə qalib gəldi.

Football-plus.az xəbər verir ki, oyundan sonra keçirilən mətbuat konfransında İsveçrə təmsilçisinin baş məşqçisi Franko Foda görüş haqda fikirlərini bildirdikdən sonra jurnalistlərin suallarını cavablandırdı:

- Oyun ərzində tez-tez taktiki dəyişikliklər etməyizə sizi “Qarabağ” vadar edirdi?
- Bəli, hiss elədik ki, ilk hissədə rəqibi saxlaya bilmirik. “Qarabağ” topu çox yaxşı saxlayırdı. İkinci hissədə 3-4-3 sisteminə keçdik, cinahlara üstünlük verdik. Qapıçıları Şahruddin Məhəmmədəliyev onları bir neçə epizodda qoldan xilas etdi. Düşünürəm ki, 3:3 ən layiqli nəticə olardı.

- 2:3 hesabına hədsiz sevinirdiz. Cavab matçı üçün şansları necə görürsüz?
- Komandam uduzanda heç vaxt sevinə bilmərəm. Əsas nəticə ikinci oyundan sonra olacaq.

- Hər üç topu künc nöqtəsindən buraxdız. Bu, sizi narahat eləmir?
- Mənim qollara baxmağa hələ imkanım olmayıb. Bunu sabah təhlil edəcəyik. Əsas odu ki, ikinci hissədə komanda ruhunu itirmədi, dönüş etdi, qollarını vurdu. “Qarabağ”ın üstünlüyü odu ki, çempionat oyunu yoxdu, cavab oyununa rahat hazırlaşacaq. Bizim isə şənbə günü çempionat matçımız olacaq.

- Oyundan əvvəl təhlil etdiyiz “Qarabağ”da hansısa yeniliklər gördüzmü?
- Təzə bir şey görmədim. “Qarabağ”ı təhlil etdiyim şəkildə gördüm. Birinci hissədə bir epizodda penalti epizodumuz oldu, bəlkə də vermək olardı.

- Hesabı 1:2 etsəz də, dərhal qapızda top buraxdız. Həmin anı necə şərh edə bilərsiz?
- Belə səhvlərə yol vermək olmaz. Biz müdafiədə səhv elədik və qol buraxdıq. Amma bunun həlledici olmadığını düşünürəm.

- Hesab oyuna görə oldu? Havanın küləkli olması çıxışıza necə təsir etdi?
- Küləyin heç bir təsiri olmadı. Sürətli oyun izlədik. İkinci hissəni nəzərə alsaq, Şahruddin gözəl seyvlərlə komandasını xilas etdi. Birinci hissədə də bizim bəxtimiz gətirdi. Bəlkə də, 3:3 və ya 4:4 hesabı ədalətli nəticə olardı. Son olaraq qonaqpərvərliyə görə təşəkkür edirəm. Eyni qonaqpərvərliyi də biz Sürixdə göstərməyə çalışacağıq.