Bu yaxınlarda almaniyalı Tim Valter ilə yollarını ayıran ''Hall Siti'' yeni baş məşqçi ilə anlaşıb.

Türkiyəli şoumen Acun Ilıcalının sahibi olduğu çempionşip təmsilçisi ispaniyalı Ruben Selles ilə anlaşıb. 41 yaşlı mütəxəssis son olaraq İngiltərənin 3-cü divizion təmsilçisi ''Redinq''i çalışdırırdı. Bu üzdən ''pələnglər'' müəyyən təzminat ödəmək məcburiyyətində qalacaqlar.

Selleslə 1 ili şərti olmaqla 2,5 illik müqavilə imzalanıb. O, yeni işinə rəsmi olaraq bazar günündən etibarən başlayacaq. Selles məşqçi karyerasına 2010-da 25 yaşında ''Aris''də fizioterapevt kimi başlayıb. Daha sonra ''Vilyarreal'' və ''Şinnik''də köməkçi kimi işləmiş məşqçinin yolu ölkəmizdən də keçib.

Belə ki, 2012-14-də ''Neftçi''də, 2015-17-də ''Qarabağ''da köməkçi məşqçi funksiyasını icra edib. ''Stromqodset'', ''Orxus'', ''Kopenhagen'', ''Sauthempton''da da köməkçi işlədikdən sonra sonuncu klubda bir müddət baş məşqçi də olub. Selles 2023-ün yayından bu yana ''Redinq''i çalışdırırdı. Bu klub hazırda 3-cü divizionda 6-cı pillədədi.

ƏLİ