Türkiyəli mütəxəssis Erol Bulutun çalışdırdığı çempionşip təmsilçisi ''Kardiff Siti'' nəhayət, nəticələri ilə fanatlarını sevindirməyə başlayıb.

“Football-plus.az” xəbər verir ki, Türkiyədə daha öncə ''Yeni Malatyaspor'', ''Alanyaspor'', ''Fənərbaxça'' və son olaraq ''Qaziantep''i çalışdırmış 48 yaşlı məşqçi bu yay ''Kardiff Siti''nin sürpriz təklifini qəbul edərək İngiltərəyə yollanmışdı. Kardiff təmsilçisi mövsümə heç də uğurlu başlamayaraq ilk 5 turda cəmi 1 qələbə qazana bilmişdi (1 heç-heçə, 3 məğlubiyyət). Amma bu kollektiv qısa müddət ərzində turnir cədvəlində vəziyyətini düzəltməyə müvəffəq oldu. ''Kardiff Siti'' sentyabrın 16-da evdə ''Suonsi''ni (2:0), 19-da evdə ''Koventri''ni (3:2) və 24-də səfərdə ''Sanderlend''i (1:0) məğlub edərək 9 gün ərzində keçirdiyi 3 qarşılaşmadan maksimum nəticə ilə ayrılmış oldu! 8 turdan sonra komanda 13 xalla 7-ci pillədə qərarlaşıb. Bu, ''Kardiff Siti''nin sonuncu dəfə elitanı tərk etdiyi 2018/19-dan bu yana çempionşipdə ən uğurlu startıdı. Xatırladaq ki, bu turnirdə çıxış edən türkiyəli şoumen Acun Ilıcalının sahibi olduğu ''Hall Siti'' isə 8 tura topladığı 15 xalla 4-cü pillədə qərarlaşıb.

ƏLİ