Çempionşipdə mövsümü 7-ci pillədə başa vuran və pley-off zonasından kənar qalan ''Hall Siti''nin baş məşqçi ilə vidalaşdığını xəbər vermişdik.

“Football-plus.az” xəbər verir ki, klubun sahibi Acun Ilıcalı Liam Rozenyor ilə işbirliyini davam etdirməmək qərarına gəlmişdi. Artıq ''pələnglər''in yeni baş məşqçisinin adına aydınlıq gəlib. Bu, Tim Valterdi. Klubdan verilən rəsmi məlumatda almaniyalı mütəxəssislə üçillik müqavilə imzalandığı bildirilib. Türkiyəli şoumenin klubla bağlı planları və layihələri Valterin diqqətini cəlb edib. 48 yaşlı mütəxəssis məşqçi karyerasına ''Karlsrue''nin U-19 komandasında başlayıb. Daha sonra ''Bavariya''nın akademiyasında çalışıb. Yüksək səviyyədə müstəqil məşqçi kimi ''Holştayn'' və ''Ştutqart''da işləyən Valter 2021-dən ''Hamburq''u çalışdırırdı. Amma o, ''dinozavrlar''ı heç cür elitaya qaytara bilməmiş və bu ilin fevralında uğursuz nəticələrə görə istefaya göndərilmişdi.

ƏLİ