“Golden boy” mükafatının sahibi müəyyənləşib. Bu nominasiyada “Barselona”nın oyunçusu Lamin Yamal qalib gəlib.

Qeyd edək ki, bu mükafat Avropada ilin 21 yaşadək olan ən yaxşı futbolçusuna təqdim olunur. 17 yaşlı Lamin 2024-cü ilidə Kataloniya klubunda və İspaniya yığmasında uğurlu çıxış edib. O, milli komanda ilə AÇ-2024-ün qalibi olub. Almaniyada keçirilən turnirdə 7 oyuna çıxaraq 1 qol vurub və 4 məhsuldar ötürmə verib. Yamalın bu mövsüm “Barselona”nın heyətində 16 oyuna 6 qol vurub 8 məhsuldar ötürmə verdiyini də xatırladaq.

“Golden Boy”un əvvəlki qalibi “Real”ın ingilis futbolçusu Cud Bellingem olub. Bu mükafatı vaxtilə Lionel Messi (2005), Kilian Mbappe (2017) və Erlinq Holann (2020) kimi məşhur futbolçular da qazanıb.