Bundesliqada tur “Bavariya”nın derbidə inamlı qələbəsi ilə start götürdü.

İlk yarıda qol buraxmayan “Auqsburq” 90-cı dəqiqəyə yalnız 0:1-lə daxil olmuşdu. Amma penaltidən hesabı açan Keyn uzatma dəqiqələrində biri yenə də penaltidən olmaqla daha iki qol vurdu. Onun sonuncu qolu xüsusilə baxımlı alındı və bundesliqanın loqotipində yer alan hərəkəti xatırlatdı. “Rekordmayster” rəsmi matçlarda ardıcıl 6-cı qələbəsini qazandı. Özü də komanda bu oyunların hamısında qapısını toxunulmaz saxlayıb!

Bu tur yeganə sürpriz Zinshaymda qeydə alındı. Mövsümü zəif keçirən “Hoffenhaym” iddialı “Leyptsiq”lə ev oyununda dərsliklərə düşəcək əzmkarlıq nümunəsi sərgilədi. “Kəndçilər” 3 dəfə hesabda geri düşsələr də, hər 3 halda bərabərlik qolunu vurmağa müvəffəq oldular. Bu azmış kimi? bu möcüzəvi oyunun sonunda danimarkalı Bruun Larsen meydan sahiblərinə qələbə qazandırdı. Bu məğlubiyyət “öküzlər”in ikinci pilləni əldən verməsinə səbəb oldu. Çünki mövsümün əsas sürprizi “Ayntraxt” “Verder”i minimal hesabla məğlub etdi.

Misirli Marmuşun rəsmi matçlarda 4 oyunluq qol seriyası qırılsa da, bu dəfə səhnəyə təcrübəli Götse çıxdı. Nuri Şahin evdəki inamlı oyun sayəsində Dortmund “Borussiya”sının başında qalmaqda davam edir. “Arılar” bu dəfə “doğma divarlar” arasında mövsümü heç də zəif keçirməyən “Frayburq”u darmadağın etdilər. Səfərdə son 6 rəsmi matçın hamısında məğlub olan komanda ötən mövsümü də nəzərə alsaq, öz meydanında rəsmi oyunlarda ardıcıl 11-ci qələbəsini qazandı. Bu, bundesliqanın əsasının qoyulduğu 1963-cü ildən bəri dortmundluların ən yaxşı ikinci seriyasıdı!

Komandanın daha öncə yalnız 1994-də bundan daha yaxşı (14) seriyası olub. Son çempion “Bayer-04” “Haydenhaym”la ev oyununun əvvəllərində iki qol buraxaraq fanatlarına şok yaşatdı. Amma Xabi Alonsonun komandası çox tez özünə gələrək avrokuboklarda oynayan rəqibi darmadağın etdi. ÇL-də iştirak edən “Ştutqart” 3 oyunluq qələbəsiz seriyaya autsayder “Bohum”la oyunda son qoydu. “Bohum” hələ də bu mövsüm yeganə qələbəsiz komanda statusundadı. “Volfsburq” “Union”un müqavimətini son anlarda qırdı. Bu tur yeganə səfər qələbəsini “Maynts-05” əldə etdi. “Karnavalçılar” debütant “Holştayn”ı 3 cavabsız qolla yendilər.

11-ci tur
Bavariya – Auqsburq 3:0
Keyn, 63-p.; 90+3-p.; 90+5. (75000)
Bavariya: Noyer, Gerreyro (Laymer, 76), Upamekano, Kim Min Ce, Devis (Boe, 90+4), Kimmix, Qoretska, Olise (Sane, 76), Musiala (Müller, 88), Koman (Qnabri, 76), Keyn.

Borussiya D - Frayburq 4:0
Bayer, 7. Nmeça, 40. Brandt, 66. Gittens, 77. (81365)
Borussiya: Kobel, Ryuyerson (Kabar, 82), Anton, Şlotterbek, Bensebaini (Kouto, 78), Nmeça, Zabitser (Qross, 68), Brandt (Reyna, 78), Malen, Gittens (Dyuranvill, 78), Bayer.

Bayеr-04 – Haydenhaym 5:2
Palasios, 30. Şik, 32; 52; 71. Caka, 82 – Dorş, 10. Honsak, 21. (30000)
Bayer-04: Qradetski, Frimponq (Tella, 45+3), Ta, İnkapye, Tapsoba, Qrimaldo, Palasios (Andrix, 77), Caka, Virts (Terrye, 77), Qarsiya (Artur, 69), Şik.

Hoffеnhaym – Lеyptsiq 4:3
Hlojek, 17; 82. Bişof, 50. Larsen, 86 – Orban, 15. Nusa, 19. Nsoki, 67-öz qapısına. (28023)
Leyptsiq: Qulaçi, Henrixs, Klostermann (Qeertruyda, 46), Orban, Lukeba, Nusa, Vermeeren (Zayvald, 60), Kampl (Aydara, 76), Baumqartner, Şeşko (Uedraoqo, 60), Openda (Silva, 82).

Ştutqart – Bohum 2:0
Fürix, 53. Dil, 78. (59000)
Ştutqart: Nübel, Sterjiu (Çeys, 86), Ruo, Şabo (Hendriks, 86), Mittelştadt, Karazor, Miyo (Rider, 78), Vaqnoman, Fürix (Dil, 77), Demiroviç, Voltemade (Ştiller, 57).

Ayntraxt F – Verder 1:0
Götse, 45. (58000)
Ayntraxt: Trapp, Kollins, Kox, Teate, Braun, Tuta, Skiri, Götse (Larsson, 81), Knauff (Bahoya, 66), Ekitike (Matanoviç, 89), Marmuş (Çaibi, 81).

Borussiya M – Sankt Pauli 2:0
Plea, 13. Klayndinst, 44. (54042)

Holştayn – Maynts-05 0:3
Əmiri, 11. Burkardt, 37-p. Li Ce Sun, 53. (14500)

Volfsburq – Union 1:0
Baku, 71. (25000)

1. Bavariya 11 9 2 0 36-7 29
2. Ayntraxt F 11 7 2 2 27-16 23
3. Leyptsiq 11 6 3 2 18-9 21
4. Bayer-04 11 5 5 1 26-18 20
5. Borussiya D 11 6 1 4 22-18 19
6. Borussiya M 11 5 2 4 17-14 17
7. Frayburq 11 5 2 4 13-15 17
8. Maynts-05 11 4 4 3 18-14 16
9. Ştutqart 11 4 4 3 21-19 16
10. Union 11 4 4 3 9-9 16
11. Volfsburq 11 4 3 4 20-18 15
12. Verder 11 4 3 4 17-22 15
13. Hoffenhyaym 11 3 3 5 17-22 12
14. Auqsburq 11 3 3 5 13-23 12
15. Haydenhaym 11 3 1 7 15-20 10
16. Sankt Pauli 11 2 2 7 7-14 8
17. Holştayn 11 1 2 8 12-28 5
18. Bohum 11 0 2 9 10-32 2

Bombardirlər: Keyn (Bavariya) – 14, Marmuş (Ayntraxt F) – 11, Klayndinst (Borussiya M), Burkardt (Maynts-05) – 7.

Turun rəqəmi
50 – Keyn fenomenal məhsuldarlığını davam etdirir. İngiltərə yığmasının kapitanı “Auqsburq”la qarşılaşmada növbəti het-trikini rəsmiləşdirdi. Bu, onun “Bavariya”da 15 ay ərzində artıq 8-ci (!) het-trikidi. Ən əsası Keyn bundesliqada 43-cü oyunda 50 qol həddinə çatdı. O, turnirin tarixində 50 qol həddinə ən tez çatan futbolçu oldu. Əvvəlki rekord Holanna məxsus idi. Norveçli forvard bu qədər qola 50-ci oyunda çatmışdı. Digər pillələrdə Fridhelm Konitska (63), Uve Zeeler (67), Roy Makay (67) qərarlaşıb.

Turun ulduzu
Patrik Şik (Bayer-04) – Keyn iki qolu penaltidən vurduğundan biz bu tur het-trik edən digər ismə üstünlük veririk. Özü də nəzərə alaq ki, “Bayer-04” iki top fərqi ilə geridə idi və məhz Şikin qolları geridönüşdə həlledici rol oynadı. Onu da bildirək ki, çexiyalı forvard “Bayer-04”ün heyətində bundesliqada 3-cü dəfə bir oyuna ən azı 3 qol vurmağı bacardı. Klub tarixində daxili birincilikdə het-trik sayına görə Şiki yalnız Ulf Kirsten (7) üstələyir.

Turun sitatı
Uli Höness, “Bavariya”nın fəxri prezidenti: