Turun açılış oyununda səfərdə “Auqsburq”dan üstün olan “Maynts-05” mövsümdə ilk qələbəsini qazandı.

“Bavariya” rəqiblərini “kötəkləməkdədi”. Bu dəfə Münhen nəhənginin “əlinin altına” “Verder” düşdü. Vensan Kompaninin komandası 5 cavabsız qol vuraraq növbəti asan qələbəsini qazandı. Ümumiyyətlə, geridə qoyduğumuz həftə “rekordmayster” üçün sadəcə, möhtəşəm alındı. Komanda 7 gün ərzində 2-si bundesliqa, 1-i Çempionlar Liqasında olmaqla keçirdiyi 3 rəsmi oyunda 20 (!) qol vurdu. Mükəmməl məhsuldarlıq sayəsində Kompani adını klub tarixinə yazdırmağı bacardı. Belə ki, bundesliqanın əsası qoyulduğu 1963-cü ildən bəri “Bavariya” heç bir məşqçinin rəhbərliyi altında ilk 6 rəsmi oyunda 29 top vurmamışdı!

“Bayer-04” belə desək, qaldığı yerdən davam edir və yenə son dəqiqə qolları ilə fanatlarına inanılmaz qələbələr bəxş edir. Son çempion ardıcıl 2-ci ev oyununda büdrəməyə çox yaxın idi. “Volfsburq” hətta ilk yarıda 3 qol vuraraq fasiləyə öndə yollandı. Amma Xabi Alonsonun komandası ikinci hissədə vəziyyəti öz xeyrinə dəyişə bildi. Bonifeysin əsas vaxta artırılan 3-cü dəqiqədə vurduğu qol həlledici oldu. “Aspirinlər”in “Bavariya” ilə oyun ərəfəsində 3 xallıq fərqi qoruması intriqa baxımından çox yaxşı oldu. Avrokubok iştirakçılarından “Haydenhaym” evdə “Frayburq” önündə “ağ bayraq qaldırdısa”, “Hoffenhaym” “Union” səfərindən xalsız qayıtdı. “Ayntraxt” isə Münhenqladbax “Borussiya” ilə ev oyununda problem yaşamayaraq yüksəlişini davam etdirdi. Frankfurt təmsilçisi mövsümə məğlubiyyətlə başlamasına baxmayaraq, ardıcıl 3-cü qələbəsini qazandı.

Turun mərkəzi oyunu “MHP Arena”da keçirildi. Çempionlar Liqasında iştirak edən iki komandanın – “Ştutqart”la Dortmund “Borussiya”sının duelində sürpriz nəticə qeydə alındı. Nuri Şahinin rəhbərliyi altında keçirdiyi ilk 5 rəsmi oyundan 4 qələbə, 1 heç-heçə ilə ayrılan “Borussiya” gözlənilmədən pərən-pərən düşdü. Ötən mövsümün 2-ci bombardiri Girassi “arılar”ın heyətində çempionatda qol hesabını sabiq klubu ilə oyunda açdı. Amma bu qolun əvəzində “Ştutqart” 5 qol vurdu. “Arılar” sonuncu dəfə bundesliqada 5 qolu 2022-nin fevralında evdə “Bayer-04”lə oyunda buraxmışdılar (2:5). “Ştutqart” evdə ardıcıl 6-cı çempionat oyununda ən azı 3 qol vurmaqla şəxsi rekordunu yenilədi. Bundan başqa, şvabiyalıların evdəki məğlubiyyətsiz seriyası 14 oyuna yüksəldi. ÇL-in daha bir iştirakçısı “Leyptsiq” üçün də tur uğursuz alındı. “Öküzlər” ötən tur evdə “Union”a qarşı oyunda olduğu kimi, bu dəfə “Sankt Pauli”yə qarşı səfər matçında qolsuz bərabərliyə razı oldular. İlk 3 turda məğlub olan debütant “Sankt Pauli” bununla da mövsümdə ilk xalını qazanmış oldu.

4-cü tur
Verder – Bavariya 0:5
Olise, 23; 60. Musiala, 32. Keyn, 57. Qnabri, 65. (42100)
Bavariya: Ulrayx, Laymer (Gerreyro, 57), Kim Min Çje, Upamekano, Devis, Kimmix, Pavloviç (Palyinya, 70), Olise (Sane, 70), Musiala, Koman (Qnabri, 57), Keyn (Müller, 76).

Bayеr-04 – Volfsburq 4:3
Virts, 14. Ta, 32. İnkapye, 48. Bonifeys, 90+3 – Mukiele, 5-öz qapısına. Bornau, 37. Svanberq, 45+1. (30210)
Bayer-04: Qradetski, Mukiele (Frimponq, 46), Tapsoba, Ta, Belosyan (İnkapye, 46), Qrimaldo, Caka, Qarsiya (Palasios, 79), Adli (Terrye, 56), Virts, Şik (Bonifeys, 68).

Ştutqart – Borussiya D 5:1
Dəniz Undav, 4; 90. Demiroviç, 21. Miyo, 62. Ture, 80 – Girassi, 75. (60000)
Ştutqart: Nübel, Vaqnoman (Ture, 78), Ruo, Şabo (Zaqadu, 70), Mittelştadt (Rider, 70), Karazor, Ştiller (Fürix, 85), Miyo, Levelinq, Demiroviç (Çeys, 70), Dəniz Undav.
Borussiya: Kobel, Ryuyerson (Kouto, 46), Anton, Zyule, N.Şlotterbek, Qross (Malen, 63), Nmeça (Bayno-Gittens, 30), Zabitser, Brandt (Əmrə Can, 72), Adeyemi (Bensebayni, 46), Girassi.

Sankt Pauli – Lеyptsiq 0:0
(29251)
Leyptsiq: Qulaçi, Qeertruyda, Klostermann, Orban, Raum (Henrixs, 74), Zayvald, Aydara (Openda, 62), Baumqartner (Vermeeren, 61), Simons, Poulsen (Nusa, 61), Şeşko (Andre Silva, 74).

Ayntraxt F – Borussiya M 2:0
Larsson, 30. Marmuş, 80. (58000)
Ayntraxt: Santos, Kristensen, Tuta, Kox, Teate, Skiri, Larsson (Mahmud Dahud, 85), Knauff (Matanoviç, 78), Çaibi (Dina Ebimbe, 70), Marmuş (Nkunku, 85), Ekitike (Bahoya, 78).

Union – Hoffеnhaym 2:1
Rote, 4. Çon Vu Yon, 6 – Bülter, 67. (21831)
Hoffenhaym: Baumann, Kaderjabek, Dreksler (Jandre, 46), Hranats (Umut Tohumcu, 46), Akpoquma, Prass (Hlojek, 90), Stax, Bişof (Bruun Larsen, 84), Kramariç, Bülter, Berişa (Tabakoviç, 58).

Haydenhaym – Frayburq 0:3
Doan, 54. Qrifo, 59; 65. (15000)

Auqsburq – Maynts-05 2:3
K.Şlotterbek, 25. Essende, 57 – Zib, 13. Burkardt, 15; 49. (28913)

Bohum – Holştayn 2:2
Bero, 22. Daşner, 35 – Pixler, 35. Matino, 89. (26000)

1. Bavariya 4 4 0 0 16-3 12
2. Bayer-04 4 3 0 1 13-9 9
3. Frayburq 4 3 0 1 8-4 9
4. Ayntraxt F 4 3 0 1 7-4 9
5. Leyptsiq 4 2 2 0 4-2 8
6. Union 4 2 2 0 4-2 8
7. Ştutqart 4 2 1 1 12-8 7
8. Borussiya D 4 2 1 1 7-7 7
9. Haydenhaym 4 2 0 2 8-7 6
10. Maynts-05 4 1 2 1 8-8 5
11. Verder 4 1 2 1 4-8 5
12. Auqsburq 4 1 1 2 7-10 4
13. Volfsburq 4 1 0 3 8-9 3
14. Borussiya M 4 1 0 3 5-8 3
15. Hoffenhyaym 4 1 0 3 6-11 3
16. Bohum 4 0 1 3 3-7 1
17. Sankt Pauli 4 0 1 3 1-6 1
18. Holştayn 4 0 1 3 5-13 1

Bombardirlər: Keyn (Bavariya) – 5, Virts (Bayer-04), Kramariç (Hoffenhaym), Demiroviç (Ştutqart), Marmuş (Ayntraxt F) – 4.

Növbəti turun oyunları sentyabrın 27-29-u aralığında keçiriləcək: Borussiya D – Bohum, Bavariya – Bayеr-04, Borussiya M – Union, Frayburq – Sankt Pauli, Maynts-05 – Haydenhaym, Lеyptsiq – Auqsburq, Volfsburq – Ştutqart, Holştayn – Ayntraxt F, Hoffеnhaym – Verder.

Turun rəqəmi
41 – az qala hər tur Keynin yeni rekordu ilə əlamətdar olur. Ötən turdakı het-trik sayəsində 3 rekordu birdən yeniləyən ünlü forvard bu dəfə daha bir mühüm göstəriciyə nail oldu. Keyn bundesliqada vurduğu qolların sayını 41-ə çatdırmaqla Sançonu geridə qoydu və turnirin tarixinin ən məhsuldar ingiltərəli futbolçusuna çevrildi! Ən heyrət doğuran fakt odu ki, Sanço 40 qolu 118 oyuna vurmuşdusa, Keyn 41 qol həddinə cəmi 36-cı oyunda çatdı.

Turun ulduzu
Maykl Olise (Bavariya) – Bremen səfəri 22 yaşlı fransalı vingerin benefisinə çevrildi. Olise 5 qolun 4-də yaxından iştirak edərək matçı 2 qol, 2 məhsuldar ötürmə ilə tamamladı. Onun bundesliqaya uyğunlaşması gözləniləndən də yaxşı keçir. Bu, Olisenin turnirdə cəmi 4-cü oyunu oldu. Düzdü, buna qədər bundesliqada bir oyunda 4 qolun vurulmasında iştirak edən futbolçular çox olmuşdu. Amma XXI əsrdə bunu bu qədər erkən, yəni artıq 4-cü oyunda edə bilən futbolçu yox idi.

Turun sitatı
Camal Musiala, “Bavariya”nın yarımmüdafiəçisi: