Kvaratsxeliya xalq etirazlarını dəstəklədi – “Gürcüstan indi heç vaxt olmadığı qədər...”
Artıq dörd gündü Gürcüstanda kütləvi etiraz aksiyaları davam edir.
“Football-plus.az” xəbər verir ki, oktyabrın 26-da keçirilən parlament seçkisinin saxtalaşdırıldığını iddia edən müxalifətin səbrini daşıran son damla baş nazir İrakli Kobaxidzenin Gürcüstanın Avropa İttifaqına daxil olmaqla bağlı danışıqları 2028-ci ilə qədər təxirə saldığını elan etməsi, yəni ölkənin Avrointeqrasiya yolundan çəkilməsi səbəb olub.
Güc strukturları izdihamlı aksiyalar keçirən müxalifətin susdurmaq üçün rezin güllələrdən, gözyaşardıcı qazdan və su şırnaqlarından istifadə edir. Zorakılığın miqyasını ölkənin tanınan idmançılarını da qəzəbləndirib. “Napoli”nin ulduzu olaylara belə reaksiya verib:
“Ölkəmə, xalqıma görə narahatam. Yayılan videolara emosiyasız baxmaq olmur. Zorakılığı və aqressivliyi dayandırın! Gürcüstan indi heç vaxt olmadığı qədər Avropanı haqq edir! Gürcü xalqının arzusu və iradəsi Avropa yolu ilə getməkdi. Bu bizim tarixi seçimimizdi, yeganə düzgün yoldu. Bu ölkə xalqa məxsusdu, heç kim xalqın iradəsindən yüksəkdə dayan bilməz”.
Futbolçulardan Georgi Mamardaşvili, Georgi Koçoraşvili, Budu Zivzivadze, sabiq basketbolçu Zaza Paçuliya da xalq etirazlarını dəstəkləyib. Gürcüstanın basketbol yığmasının üzvü Rati Andronikaşvili isə aksiyalarda fəal şəkildə iştirak edir.
