“Turan Tovuz” Misli premyer-liqasının 15-ci turunda “Araz-Naxçıvan”a minimal hesabla məğlub oldu.

“Football-plus.az” xəbər verir ki, tovuzluların baş məşqçisi Kurban Berdıyev oyunsonrası mətbuat konfransında jurnalistlərin suallarını cavabladı.

- Birinci hissədə mövqe oyunu oldu. Qol imkanları çox olmadı. Yalnız Otto Conun təkbətək epizodunu istisna etmək olar. Belə matçlarda birinci səhvə qədər oyun gedir. Amma səhvi biz buraxdıq.

- Siz Azərbaycana gələndə belə xəbərlər gəzirdi ki, Tural Bayramlı ən çox bəyəndiyinizdi. Turalın oynamamasının səbəbi nədi?
- Komandada rəqabət var. Hücum qrupumuzda ciddi rəqabət hiss olunur.

- Artıq liderlərdən aralandız. Onlara çatmaq problem yaratmayacaqmı?
- Əslində fərq çoxdu. Qarşıda çox oyun var. Bunun öhdəsindən gəlməyə çalışacağıq.

- “Araz-Naxçıvan” qol buraxmadı. Rəqibin əsas gücünü nədə görürsüz?
- Yaxşı təşkilatlanmış komandadı. Komanda belə təşkil olunursa, az qol buraxmaq bununla bağlıdı.

ƏSƏD SEYİDOV