"Lion" Avropa Liqasının 5-ci turu çərçivəsində Bakıda keçirilən matçda "Qarabağ"a qalib gəldi - 4:1.

"Football-plus.az" xəbər verir ki, Fransa təmsilçisinin baş məşqçisi Pyer Saj oyunsonrası mətbuat konfransında jurnalistlərin suallarını cavabladı.

- Rəqibin oyununu təhlükəli hesab edirsizmi?
- Bəli, "Qarabağ" birinci hissədə xeyli təhlükəli qol vəziyyəti yaratdı. Bunu xüsusi qeyd etmək lazımdı. İkinci hissədə daha yaxşı müdafiə olunduq. Topla davranış qaydalarında və hücum cəhdlərində üstün çıxış etdik.

- Rotasiyalar uğurlu alındı. Həmçinin vaxtdan düzgün istifadə edə bildiz. Bunu necə bacardız?
- Bəli, bir çox məqamda doğru addım atdıq. Üstünlüyümüzü qorumağa çalışdıq.

- Sizcə, hesab oyuna görə oldumu?
- Xeyr.

- Bakıdakı və stadiondakı ab-hava haqda fikirləriniz necədi?
- Tamaşaçıların dəstəyi hadisələrin axarına müsbət təsir edirdi. Nəticədə maraqlı oyun keçirdik. Azarkeşlər komandalarını sona qədər dəstəklədi.

- Meydanın mərkəzindəki oyunu necə qiymətləndirirsiz?
- Komandam çox yaxşı oyun göstərdi. Həm xətlərarası əlaqədə, həm də bir-biriylə anlaşmalar zamanı özlərini yaxşı tərəfdən göstərdilər.

- Dediz ki, hesab oyuna görə olmadı. Gözləntiniz necə idi?
- Yəni "Qarabağ" daha çox qol vura bilərdi. Sadəcə, bəzi məqamlarda istədiklərini edə bilmədilər.

KƏNAN BAHADIR