“Lion” sabah Avropa Liqasının 5-ci turu çərçivəsində “Qarabağ”ın qonağı olacaq.

“Football-plus.az” xəbər verir ki, “Lion”un baş məşqçisi Pyer Saj bu gün mətbuat konfransında jurnalistlərin suallarını cavablayıb.

- Oyuna hansı hisslərlə gəlmisiniz?
- Bakıya ambisiyalı şəkildə performans nümayiş etdirmək üçün gəlmişik.

- “Beşiktaş”a məğlubiyyətdən sonra bu oyuna necə hazırlaşmısız?
- Xüsusi ssenari yoxdu. Bu oyundan qalib ayrılacağımıza ümid edirəm.

- 0:3 hesabından sonra müəyyən dəyişkilər olacaqmı?
- Xeyr, çox kiçik dəyişikliklər edəcəyik.

- “Qarabağ”da Abdulla Zubir və Yassin Benzya var. Əsas plan bu futbolçuları zərərsizləşdirmək olacaqmı?
- Əlbəttə, Benzya çox gözəl formadadı. Oyunumuzu “Qarabağ”ın keyfiyyətli futbolçularının üzərində qurmağa çalışacağıq.

- "Qarabağ" Fransa komandalarına qarşı 11 oyun keçirib. Bu matçlardan hansını izləmisiz?
- Biz “Qarabağ”ı təhlil edərkən Avropa Liqasındakı oyunlarını izləmişik.

- Komandanın iki yöndə - həm yüksəlişdə, həm eniş performans göstərməsini necə izah edərdiz?
- Sabah sabit performans göstərməyə fokuslanmalıyıq.

- Hansı sistemlə oynayacaqsınız?
- Bu, rəqibin bizə nə qədər imkan verəcəyindən asılıdı. Daha çox hesaba köklənəcəyik.

- Zaha uzun müddətdi transfer olunub. Amma oyunlara buraxılmır. “Qarabağ”la da oyunda iştirak ərizəsində yoxdu. Bunun səbəbi nədi?
- Bu, onun göstərdiyi performansla bağlıdı.

ƏSƏD SEYİDOV