''Ən son hakim seminarında bu məsələ yenidən müzakirə olundu. Orda da lazım olan sözləri deyərək fikirlərimi dilə gətirdim. Bu əcnəbi məsələsinin gündəmə gətirilməsi əslində hakimlərimizi narahat etməlidi. Belə baxanda gənc və çox istedadlı hakimlərimiz var. Mən bu vəzifədə olduğum müddətdə bu ölkəyə əcnəbi hakim gəlməyəcək! Lazımdısa, bu sözümü bir daha təkrar edə bilərəm. Klubların əcnəbi hakim istəməsi normaldı. Bu, onların haqqıdı. Ötən mövsüm bu praktikadan istifadə edilmişdi. Amma biz burda bəzi şeyləri düzəltməyə çalışırıq. Hər kəs də bizim səmimiyyətimizə inanır''.