Türkiyə futboluna növbəti yenilik gətirilib.

Türkiyə Futbol Federasiyasından verilən açıqlamada qeyd olunub ki, UEFA ve Avropanın 5 ölkəsinin federasiyası ilə aparılan danışıqlardan sonra cari mövsümün sonuna qədər hər tur ən vacib oyunlara əcnəbi VAR hakimlərinin təyin edilməsinə qərar verilib. VAR hakimləri Almaniya, İtaliya, İspaniya, Niderland və Portuqaliyadan olacaq. Bu həftəsonu baş tutacaq 32-ci turun 3 qarşılaşmasında VAR hakimləri əcnəbilər olacaq. Söhbət ''Ankaragücü'' - ''Qaziantep'', ''Fatih Karagümrük'' - ''Fənərbaxça'' və ''Alanyaspor'' - ''Qalatasaray'' oyunlarından gedir. Bu arada Portuqaliya mətbuatının yazdığına görə artıq 3 qarşılaşmadan 2-də təyinatlar bəllidi. Bu həftə məhz portuqaliyalılar öz hakimlərini Türkiyəyə göndərəcək. Belə ki, Andre Narçiso sabah baş tutacaq ''Fatih Karagümrük'' - ''Fənərbaxça'', Fabio Melo isə bazar ertəsi baş tutacaq ''Alanyaspor'' - ''Qalatasaray'' oyununda VAR hakimi olacaq. Maraqlıdı ki, ''Ankaragücü'' - ''Qaziantep'' oyunu bu günə nəzərdə tutulsa da, bu matçın VAR hakiminin adı hələ də bəlli deyil.

ƏLİ