''İnter'' 2010-da Mourinyonun başçılığı altında tarixinin ən uğurlu dönəmini yaşayaraq trebl etmiş və Madriddə keçirilən Çempionlar Liqasının finalında ''Bavariya''nı 2:0 məğlub etmişdi. Amma həmin il Mourinyo ''İnter''dən ayrılaraq ''Real''ın başına keçmişdi. Hazırda 51 yaşı olan Materatsi o dönəmlə bağlı bunları deyib:
''2010-da qazandığımız ÇL-dən sonra Mourinyoya möhkəm sarıldım. Çünki artıq ayrılacağını bilirdim. Qalsaydı, növbəti mövsümdə də onunla bir çox titullar qazanardıq. Həmin finaldan 2 həftə öncə Mourinyoya komandada qalması üçün yalvardım. Onun ofisinə getdim. Amma söhbət zamanı gözümün içinə baxa bilmirdi. Həmin an hər şeyi anladım''.
Qeyd edək ki, o vaxtdan bu yana hələ də heç bir İtaliya təmsilçisi ÇL-i qazana bilməyib.
ƏLİ
