Qətərdəki mundialdan öncə bəlkə də bir çoxlarının bu maraqlı göstəricidən xəbəri yox idi.

Football-plus.az xəbər verir ki, yarımfinal mərhələsindən öncə bu fakt yenidən aktuallaşıb. Çünki bu tendensiyanın yenə də davam edəcəyi məlum olub! Məsələ burasındadı ki, DÇ-1982-dən başlayaraq bütün mundialların finalında mütləq 1 “İnter”li və 1 “Bavariya”lı futbolçu çıxış edir. Yəni meydanda olmasa belə, son 10 mundialın finalında iştirak edən komandaların heyətində mütləq “İnter”li və “Bavariya”lı futbolçu olub. Bu dəfə yarımfinalın bir hissəsi – Xorvatiya – Argentina oyunu “İnter” şərtinin davam etməsinə səbəb olacaq. Çünki Xorvatiyada “İnter”li Marselo Brozoviç, Argentinada isə “İnter”li Lautaro Martines çıxış edir. Yarımfinalın digər cütü “Bavariya” şərtinin həyatda qalmasını labüd edir. Çünki Fransanın heyətində yer alan Benjamen Pavar, Dayo Upamekano və Kinqsli Koman, Mərakeşin heyətində isə Nussair Mazraui “Bavariya”nın şərəfini qoruyur. Bundan başqa, xorvatların heyətində olan Yosip Stanişiç də “Bavariya”nın üzvüdü. Başqa sözlə desək, finalda kim oynayır-oynasın, orda mütləq “İnter”dən və “Bavariya”dan futbolçu yer alacaq. Gəlin, əvvəlki finallarda bu tendensiyaya uyğun olan futbolçuları xatırlayaq.

DÇ-1982
İtaliya – AFR 3:1
Bordon, Berqomi, Marini, Oriali, Altobelli (İnter).
Braytner, Dremmler, Rummenigge (Bavariya).

DÇ-1986
Argentina – AFR 3:2
Rummenigge (İnter).
Auqentaler, Eder, Höness, Matteus (Bavariya)

DÇ-1990
AFR – Argentina 1:0
Breme, Matteus, Klinsmann (İnter).
Aumann, Royter, Köler, Auqentaler, Pflyuqler, Ton (Bavariya).

DÇ-1994
Braziliya – İtaliya 0:0, p. – 3:2
Berti (İnter)
Jorjinyo (Bavariya)

DÇ-1998
Fransa – Braziliya 3:0
Ronaldo, Corkayeff (İnter)
Lizarazyu (Bavariya)

DÇ-2002
Braziliya – Almaniya 2:0
Ronaldo (İnter)
Kan, Linke, Yeremis, Yanker (Bavariya)

DÇ-2006
İtaliya – Fransa 1:1, p. – 5:3
Materatsi (İnter)
Sanyol (Bavariya)

DÇ-2010
İspaniya – Niderland 1:0
Sneyder (İnter)
Van Bommel, Robben (Bavariya)

DÇ-2014
Almaniya – Argentina 1:0
Kampanyaro, Alvares, Palasio (İnter)
Noyer, Lam, Boatenq, Şvaynştayger, Müller, Kroos, Götse (Bavariya)

DÇ-2018
Fransa – Xorvatiya 4:2
Perişiç, Brozoviç (İnter)
Tolisso (Bavariya)