Mourinyo avrokuboklarda “het-trik” etdi!

Joze Mourinyo avrokuboklarda unikal göstəriciyə nail olub.

“Roma”nın baş məşqqçisi ilk dəfə keçirilən Konfrans Liqasının qalibi olmaqla tarixə düşüb. Portuqaliyalı mütəxəssis hazırda mövcud olan hər üç avrokubokda - Çempionlar Liqası, Avropa Liqası və Konfrans Liqasında qalib gələn ilk məşqçi olub. Xatırladaq ki, Mourinyo “Portu” (2003/04) və “İnter”i (2009/10) Çempionlar Liqasında, “Portu” (2002/03) və “Mançester Yunayted”i (2016/17) isə Avropa Liqasında (UEFA Kuboku) qələbəyə daşıyıb.