“Qış fasiləsinə yollananda müəyyən suallara aydınlıq gələcək” – “Xəmsə”
“Kəpəz” Misli premyer-liqasının 13-cü turunda son dəqiqələrdə vurduğu qol hesabına “Sabah”ın qələbə qazanmasına imkan vermədi.
Oyunsonrası mətbuat konfransında Azər Bağırov gəncəlilərin narazılığına belə münasibət bildirib:
“Azarkeşlərimiz oyunlara gəlirlər. Gəncədə futbolu sevirlər. Hərənin sevgisi bir cür ola bilər. Amma nəticə də çox önəmlidi. "Səbail"lə oyunda bir az zəif çıxış etdik, amma nəticə qazandıq. Məncə, azarkeşlərimizin rəğbətini qazanmışıq və bizi sevirlər, dəstəkləyirlər”.
Bəs görəsən, Azər Bağırov ümidləri doğruldurmu?
Bu sualı “Xəmsə” azarkeş qrupunun rəhbəri Aqşin Əsgərova ünvanladıq:
“Çempionatın güclü komandalarından birinə qarşı oynadıq. Rəqib komandanın üstünlüyü hiss olunsa da, “Kəpəz”in oyun planında dəyişikliklərin olduğunu söyləmək olar. Yekun nəticələr barədə hazırda fikr yürütmək tez olar. Qış fasiləsinə yollananda müəyyən suallara aydınlıq gələcək. İstənilən halda, komandanın oyununda müəyyən irəliləyiş hiss olunur”.
ƏSƏD SEYİDOV
Digər xəbərlər
