Kilian Mbappenin oyunu Karlo Ançelottini qane etmir. O, futbolçunun oyunundan narazıdı.

“Give Me Sport”un məlumatına görə, “Real”ın baş məşqçisi cari mövsümdə bir çox matçda Mbappedən meydanda daha çox hərəkət etməyi tələb edib. 25 yaşlı forvardın komandanın müdafiəsində iştirak etməməsi italiyalı mütəxəssisin məyusluğuna səbəb olub. Fransalı futbolçunun topa sahib olmadığı vaxtlarda komanda yoldaşlarına kömək edə bilməməsi “Barselona” ilə oyunda (0:4) xüsusilə nəzərə çarpıb.

Həmin matçda məğlubiyyətdən sonra Mbappe Ançelotti üçün “Real”ın ən böyük problemi sayılır. Təcrübəli məşqçi Kilianın komandaya balanssızlıq gətirdiyini düşünür.

Mbappe “Real”a bu yay PSJ-dən keçib. O, cari mövsümdə La Liqada 10 matça çıxıb və 6 qol vurub.