Fransalı futbolçu Kilian Mbappe “Real”a keçib. “Kral klubu” bu xəbəri rəsmi saytında açıqlayıb.

Mbappenin “Real”la müqaviləsinin müddəti 2029-cu ilə qədərdi. Futbolçu daha əvvəl sosial şəbəkədə 2023/24 mövsümünün sonunda PSJ-ni tərk edəcəyini açıqlamışdı.

Xatırladaq ki, 2017-ci ildə icarə əsasında PSJ-yə keçən 25 yaşlı hücumçu 2018-ci ilin yayında “Monako”dan paytaxt klubuna satılıb. Bu müddət ərzində o, bütün turnirlərdə 306 matçda iştirak edib, 255 qol vurub və 108 məhsuldar ötürmə verib. “Transfermarkt” portalı fransalı forvardın bazar dəyərini 180 milyon avro qiymətləndirir.