“Mançester Siti” üçün İngiltərə premyer-liqasının 10-cu turunun “Bornmut”la matçı uğursuz alınıb.

Son çempion 1:2 hesabı ilə məğlub olub. Bununla da MS-nin premyer-liqada 32 oyunluq məğlubiyyətsizlik seriyasına son qoyulub. Qeyd edək ki, bu, “şəhərlilər”in tarixində ən uzun məğlubiyyətsiz oyunlar seriyası idi. MS-nin bundan əvvəlki rekordu 2017-18-ci illərdə 30 oyundan ibarət olmuşdu.

Xosep Qvardiolanın komandası hazırda turnir cədvəlində 23 xalla 2-ci yerdədi. Premyer-liqanın lideri isə 25 xala malik olan “Liverpul”du.