“Mançester Siti” İngiltərə premier-liqasında yeni rekord müəyyən edib.

Ölkə çempionu buna 8-ci turda “Vulverhempton”u məğlub etməklə (2:1) nail olub. Xosep Qvardiolanın komandası çempionatda artıq 31 oyundu uduzmur. Bu, klub tarixinin rekord göstəricisidi. MS sonuncu dəfə ötən ilin dekabrında “Aston Villa”ya məğlub olub – 0:1.

“Şəhərlilər”in bundan əvvəlki ən uzun məğlubiyyətsiz oyunlar seriyası 2017-ci ilin aprelindən 2018-ci ilin yanvarına qədər olmuşdu. Komanda bu müddətdə ardıcıl 30 oyunda uduzmamışdı.

Yeri gəlmişkən, MS hazırda premier-liqada 8 turdan sonra 20 xalla 2-ci yerdədi və lider “Liverpul”dan bir xal geri qalır.