''Fənərbaxça''nın bu ilin fevralında Braziliya təmsilçisi ''Braqantino''ya icarəyə verdiyi Linkoln Enrike İstanbul nəhənginə geri dönməyə hazırlaşır.

Onun ''Braqantino'' ilə olan icarə müddəti dekabrın 31-də başa çatacaq. Braziliyalı yarımmüdafiəçi həmin tarixdən sonra Türkiyəyə dönəcək. Linkoln Enrike ''Braqantino''da indiyə qədər 43 rəsmi oyuna çıxaraq 5 qol, 3 məhsuldar ötürmə ilə fərqlənib.

''Fənərbaxça''nın 25 yaşlı futbolçu ilə bağlı hansı qərarı verəcəyi bəlli deyil. ''Sambaçı'' həm oyun qurucusu, həm mərkəz yarımmüdafiəçisi, həm də sol müdafiəçi kimi oynaya bilir. Fərdi Kadıoğlunun satılmasından və Ceyden Oostervoldenin ağır zədələnərək mövsümü başa vurmasının ardından ''Fənər''də müdafiənin sol cinahında problemlər yaranıb.

Ona görə də Linkolnun yalnız həmin mövqedə oynaması şərtilə komandada qalması ehtimalı da mövcuddu.

ƏLİ