Həm ''Fənərbaxça''nın, həm də Türkiyə yığmasının heyətində sərgilədiyi inamlı oyunla bir sıra Avropa klublarının hədəfində olan Fərdi Kadıoğlu ilə bağlı transfer xəbərləri bitmək bilmir.

Joze Mourinyo rəhbərlikdən birmənalı şəkildə Fərdinin ''Fənərbaxça''da qalmasını tələb edib. Bu üzdən rəhbərlik bu oyunçuya görə aldığı təklifləri bir-bir geri çevirir. Amma belə görünür, ''Brayton''un niyyəti çox ciddidi. Çünki premyer-liqa təmsilçisi 27 milyon avroluq ilk təklifin İstanbul nəhəngi tərəfindən geri çevrilməsinin ardından indi də 33 milyon avroluq ikinci təklifi irəli sürüb. Hərçənd Türkiyə mətbuatının yazdığına inansaq, rəhbərliyin düşüncəsi eynidi. Onlar hətta bu qiymətə də Fərdini satmaq istəmirlər. Kadıoğlunun yeni mövsümdə Mourinyonun vazkeçilməz isimlərindən olacağı gözlənilir.

''Fənərbaxça''ya 2018-ci ilin yayında ''Neymegen''dən gələn 24 yaşlı sol müdafiəçi indiyə qədər bu klubda 200 rəsmi oyun keçirib və 18 qol, 22 məhsuldar ötürmə ilə fərqlənib.

ƏLİ