Bu yay karyerasını başa vuran Klaudio Ranyeri yenidən işbaşına qayıda bilər.

Qocaman mütəxəssisin adı sabiq klublarından “Roma” ilə birgə hallanır. “Il Corriere dello Sport”un xəbərinə görə, paytaxt klubunun rəhbərliyi 73 yaşlı Ranyerini baş məşqçi postuna qaytarmaq istəyir. “Roma”nın İtaliya çempionatındakı çıxışı qeyri-qənaətbəxş olduğundan sentyabrda təyinat alan İvan Yuriçin tezliklə istefaya göndəriləcəyi ehtimalı çoxdu.

Xatırladaq ki, Ranyeri “canavarlar”ı 2009-11-ci və 2019-cu illərdə çalışdırıb.