Şarapova Tennisin Şöhrət Zalına salınacaq
Rusiyalı tennisçi Mariya Şarapova gələn il Beynəlxalq Tennisin Şöhrət Zalının üzvləri sırasına daxil ediləcək.
Bu haqda xəbəri qurumun mətbuat xidməti yayıb. “Böyük dəbilqə” turnirlərinin beşqat qalibi bunun üçün keçirilən səsvermədə qalib gəlib. Onunla yanaşı, Amerikadan olan Mayk və Bob Brayan qardaşları da bu şərəfə layiq görülüb. Təntənəli mərasim gələn ilin avqustunda Nyuportda keçiriləcək.
Şarapova səsvermədə qalib gəlməsini belə şərh edib:
“Bu şərəfə layiq görüldüyümə görə hədsiz minnətdaram. Şöhrət Zalına və bütün səs verənlərə “sağ ol” deyirəm. Azarkeşlərimə səmimi qəlbdən təşəkkür edirəm. Hər biriniz məni ulduzlara çatmağa və birlikdə nələrə nail olduğumuza baxmağa məcbur etdi”.
Xatırladaq ki, Tennisin Şöhrət Zalı 1954-cü ildə yaradılıb. Rusiyalı tennisçilərdən indiyə qədər yalnız Marat Safin (2016) və Yevgeni Kafelnikov (2019) həmin zalın üzvləri sırasına salınmışdı.
37 yaşlı Şarapova Rusiyanın ən titullu tennisçisidi. O, karyerası boyunca 39 (36-sı fərdi yarışda) WTA turnirini qazanıb. Mariya 2020-ci ilin fevralında karyerasını bitirib.
Digər xəbərlər
