“Məğlubiyyət bizim üçün də gözlənilməz oldu. Hazırda səbəbini deyə bilməyəcəm. Çünki oyunu təhlil etməmişəm. Matça pis hazırlaşmamışdıq. Ola bilər ki, uşaqlarda bir az arxayınlıq vardı. Həmişə olduğu kimi, müəyyən qələbələrdən sonra hansısa autsayderlə oynayanda futbolçularda bir az rahatlıq olur. Rəqib də bizə qarşı hazırlıq görmüşdü. Müəyyən gedişlərin qarşısını ala bildilər. Düzdü, epizodlarımız oldu ki, istifadə edə bilmədik. Amma topları buraxanda müəyyən səhvlərimizin olduğunu görürəm. Bu səhvlər üzərində işləməliyik, futbolçulara çatdırmalıyıq. Hücum planında da müəyyən say artımı etmədik. Rəqib uzun ötürmələrlə oynayırdı, biz arxadan çıxana kimi onlar uzun ötürmələrdən istifadə edirdi, komandanı tezdən öz qapımıza tərəfə oturmağa məcbur edirdi”.