“Qışa qədər olan bəzi oyunçularımız ikinci dövrə başlayanda komandadan ayrıldılar, onların əvəzinə oyunçular tapa bilmədik. Onlar aparıcı oyunçularımız idi - Bəhruz Teymurov, Elmir və Emin Abbasov qardaşları, Nicat Məmmədov, yəni 4-5 oyunçu komandadan ayrıldı, onların əvəzinə bir-iki transfer edə bildik. Onlardan biri Samir Ağayev, digəri legioner idi. İkisi də gələn kimi zədələndilər, heç birini oynada bilmirik. Hazırda oyunçu qıtlığı, oyunçu problemi yaşayırıq. Sponsorun gəlişiylə bəzi problemlər həll olundu, amma sponsor gələndən sonra hansısa oyunçu transfer edə bilməmişik. Çünki transfer etmək, oyunu dəyişmək barədə hansısa xüsusi planımız olmayıb. Buna görə də böyük problemlər cəkirik. 12-13 futbolçumuz var, hansısa biri cəza, ya da zədə alanda əziyyət cəkirik. Nəticələrin yaxşı olmaması bununla bağlıdı. Dünən oyunçular əlindən gələni etsələr də, sonuncu dəqiqədə məğlub olduq. Lakin oyundan razı qaldıq. Düzdü, müəyyən məqamlarda ustalıq səviyyəsi catmır, sadəcə, oyunçuların potensialı bura qədərdi, bunu artırmaq ücün müəyyən təcrübə və vaxt lazımdı”.