“Çox çətin yol idi. Şükür, gəlib istəyimizə çatdıq. Kefim çox yaxşıdı. “Turan Tovuz” rəhbərliyi mənə kömək etdi. Onlara da çox təşəkkür edirəm. Təxminən iki ilə yaxındı Azərbaycan pasportu almaq üçün çalışırıq. Səbrlə gözlədik və buna indi nail olduq. Mən komandam üçün əlimdən gələni edirəm. Baş məşqçimiz Kurban Berdıyevin qərarına heç kim qarışa bilməz. Deyə bilərəm hazıram, amma məşqçi bizi daha yaxşı tanıyır. Kimin formada olduğunu bizdən yaxşı bilir. Çalışacam ki, tez müddətdə milliyə dəvət alım. Bunun üçün öz üzərimdə daha çox çalışacam. Əsas pasport almaq idi, inanıram ki, gələcək vaxtlarda yığmada mən də yer alaram. İndiki halda yığmaya kömək edə bilərəmmi? Bəli, hiss edirəm ki, yığmaya kömək edə bilərəm”.