“Neftçi”nin yarımmüdafiəçisi Azər Əliyev klubun rəsmi saytına müsahibə verib.

"Footbal-plus.az" xəbər verir ki, Azərbaycan pasportu aldığı üçün qeyri-adi hisslər keçirdiyini bildirən futbolçu Bakını çox bəyəndiyini, klubda hər şeyin onu qane etdiyini deyib.

- Azər, əvvəla səni Azərbaycan pasportu almağın, ölkəmizin vətəndaşı olmağın münasibətilə təbrik edirik. Necə hisslər keçirirsən?

- Çox sağ olun! Qeyri-adi hisslər keçirirəm. Artıq ölkəmi beynəlxalq arenada təmsil etmək şansımın olduğu üçün doğmalarımın da özlərini necə xoşbəxt hiss etdiklərini təsəvvür edirəm.

- Azərbaycan pasportu almağın həm də milli komandamıza yolunu aça bilər. Millidən dəvət gözləyirsən?

- Bəli, tezliklə milli komandada debüt edəcəyimə və qarşıya qoyulan vəzifələrin həllində milliyə kömək edə biləcəyimə ümid edirəm.

- Gələk “Neftçi”yə. Təxminən 9 aydı buradasan. Klubda, ümumiyyətlə, Azərbaycanda özünü necə hiss edirsən?

- Bakını çox bəyənirəm. Rahat şəraitdə oynamağa və məşq etməyə imkan verən çox yaxşı havası var. Bakı gözəl şəhərdi. Burada olmayan bütün dostlarıma deyirəm ki, onlar belə gözəllik görməyiblər. Klubda da hər şey yaxşıdı, məni qane edir. Düzdü, bəzən çətinliklər olub, amma ümid edirəm ki, hər şey arxada qalıb, qarşıda bizi yalnız yaxşı şeylər gözləyir.

- Geridə qalan müddətdə ağ-qara formada müxtəlif mövqelərdə çıxış etmisən. Özünü daha çox hansı mövqedə yaxşı hiss edirsən?

- Neçə illərdi, müxtəlif mövqelərdə oynayıram. Universal olduğumu və hər mövqeyi özünəməxsus şəkildə bəyəndiyimi deyə bilərəm. Standart ifadələrlə deyə bilərəm ki, istənilən mövqedə faydalı olmağa hazıram, amma yenə də müdafiənin sol cinahında oynamağı daha çox xoşlayıram. Bununla belə, 23 yaşıma qədər gah sağ cinah yarımmüdafiəçisi mövqeyində, gah da hücumçunun arxasında çıxış etmişəm.

- Komanda hazırda 22 xalla 3-cü pillədə qərarlaşıb və növbəti turdakı rəqib “Sabah”dan 3 xal geri qalır. Necə düşünürsən, bu oyunda qalib gəlib xal fərqini aradan qaldıra biləcəksiz? Ümumiyyətlə, bu matçdan nə gözləyirsən?

- Bəli, “Sabah” yaxşı məşqçisi olan iddialı komandadı. Lakin təbii ki, biz hər bir matçda olduğu kimi, bu dəfə də meydana yalnız qələbə qazanmaq üçün çıxacağıq.